Niy mosz gyszynku na Dzień Matki? To niy ma gańby, jeszcze poradzisz kupić jej bilet na "Rajcula warzy" 30 maja o godz. 19.30 na Scenie w Malarni Teatru Śląskiego.

Monodram "Rajcula warzy" to monolog młodej Górnoślązaczki, kero uprzyjemnio sie życie warzyniem a warzyniy łosprowianiem. Chyba kożdo mamulka lubi abo przynajmnij poradzi warzyć. A była kiedyś w tyjatrze, co by o warzyniu posłuchać? Joanna Wawrzyńska zdobyła za ta rola nagroda na 43. Ogólnopolskim Festiwalu Teatrów Jednego Aktora, a Alina Moś-Kerger za tyn tekst wyróżnienie w Konkursie na Jednoaktówka po śląsku. Do tyj pory rajcula łosprawiała o warzyniu już w niejednym ślonskim mieście, a w planach mo wyjazdy na Hel i do Torunia. A w nojbliższy piątek bydzie to robić w Katowicach, więc taki bilet bydzie idealnym geszenkiem do mamulki na dziyń matki! Bilety na spektakl 30 maja 2015, gościnnie w Malarni Teatru Śląskiego, można rezerwować pod numerem tel. 32 258 89 67, mailowo pod adresem [email protected] lub kupować on-line przez stronę internetową teatru.